ارجوا من الجميع الدخول ( خصوصا الاعضاء الجدد)

السلام ...

هلا وغلا باحلى اعضاء

سمعوني زين احنا الحين في المنتدى نبي نرتقي الى الاعلى والاعلى مو الى الاسفل والاسفل
وعلشان كذا انا ما ابي في المنتدى السوالف الماصخه والفاضيه اللي يسوونها باقي المنتديات

مثل // عضو مو عضو متخانقين ويجون هنا في المنتدى يكملون الخناق >> اللي بيتخانق يروح بيتهم
وثاني شي انا ما ابي المنتدى مفتوح صراع بين المذاهب مثلا يجي شيعي يسب في سني او يجي سني يسب في سني و اي شي من ذا رح يتم طرد العضوين لان احنا هنا بالمنتدى اخوان مو اعداء ولعلمكم المنتدى مخلوط شيعي وسني

وغير ذا بالنسبه للمواضيع باي قسم مو اذا ما عجبك الموضوع قعدت تقول الفاظ مدري كيف
مثلا ( وعععع مواضيع مقرفه او ايش هالذوق العالمي )

وبالنسبه للاعضاء الجدد اللي يدخل اتمنى انه يدخل ويحط له موضوع في قسم الترحيب علشان نرحب فيه بصراحه احنا مو فاضيين نروح نرحب فيه

ولعلمكم تم طرد العضو (( مجنونه زاك ) بسبب تعديها على حقوق (( كلمه حب )) والرد على مواضيعها بردود غير لائقه ابدا
وانا راح اثبت هالموضوع علشان تكون الاخت ( مجنونه زاك ) عبره لغيرها

وتحيااتي لكم

وانا ما ابي تنزعجون من موضوعي هذا اذا فيه شي ازعجكم لان اصلا هذا كله من مصلحه المنتدى حبايبي

وتحيااتي لكل الاعضاااء
وطبعا انا حاطه هالموضوع علشان الاعضاء اللي مو جدد يصلحون اخطائهم اللي راحت > مع ان كلهم زينين ههه
والاعضاء الجدد يحاولون ما يقعون في هالاخطاء

سي يوو